tata nano electric car, TATA Nano: టాటా కలల కారు నానో మళ్లీ వచ్చేస్తుంది.. ఈసారి కొత్త అవతారంలో.. అబ్బురపరిచే ఫీచర్లు! – tata nano is all set to make a comeback, tata motors to recharge tata nano in ev avatar

TATA Nano: ఎప్పుడో 2008లో టాటా మోటార్స్ (TATA Motors).. దేశంలోనే అత్యంత తక్కువ ధరలో ఒక కారును విడుదల చేసింది గుర్తుందా? అదే టాటా నానో (Tata Nano). ప్రపంచంలో కూడా ఇదే అత్యంత చవకైన కారు కావొచ్చు. కేవలం రూ.లక్ష కనీస ధరతో వీటిని విడుదల చేసింది టాటా గ్రూప్. టాటా గ్రూప్ మాజీ ఛైర్మన్, దిగ్గజ పారిశ్రామిక వేత్త రతన్ టాటా కలల కారు ఇదే. మోటార్ సైకిల్ కొనుక్కునే ధరలోనే కారును లాంఛ్ చేసి సంచలనం సృష్టించింది. అయితే మొదట్లో డిమాండ్ ఉన్నా క్రమక్రమంగా మనుగడ కోల్పోయింది. ముడిభాగాల ధరలు పెరగడంతో రేట్లను కొన్నేళ్లకు పెంచింది. మరోవైపు.. ఇది ఫెయిల్డ్ ప్రాజెక్ట్‌గా నిలిచింది. సేల్స్ తగ్గిపోవడంతో 2019 నుంచి తయారీని కూడా నిలిపివేసింది టాటా మోటార్స్.

అయితే మళ్లీ ఇన్నేళ్లకు టాటా నానో గురించి మళ్లీ వార్తలు వినిపిస్తున్నాయి. టాటా నానో (Tata Nano New Avatar) మళ్లీ వచ్చేస్తుందని పలు మీడియాల్లో రిపోర్ట్స్ వస్తున్నాయి. అయితే ఈ సారి సరికొత్త అవతారంలో టాటా నానో మార్కెట్లోకి వచ్చేందుకు ప్లాన్ చేస్తుందని తెలుస్తోంది. ఎలక్ట్రిక్ వాహనాల వాడకం ఎక్కువై, మంచి డిమాండ్ ఉన్న నేపథ్యంలో తన కలల కారును నానోను ఈసారి ఎలక్ట్రిక్ వెర్షన్‌లో (Tata Nano Electric Car) తీసుకొచ్చేందుకు ప్లాన్ చేస్తోంది టాటా గ్రూప్.

నెలవారీ EMI ఎంత పెరిగింది.. వామ్మో 23 శాతం ఎక్కువ కట్టాలా? సామాన్యులపై పెను భారం..

కొన్ని మార్పులు చేర్పులు చేసి ఎలక్ట్రిక్ వెర్షన్‌లో టాటా నానో కారును తీసుకొచ్చేందుకు టాటా మోటార్స్ యోచిస్తోందని టైమ్స్ ఆఫ్ ఇండియా కూడా నివేదించింది. ఇప్పుడు సరికొత్త లుక్‌లో గణనీయమైన మార్పులు చేసి తీసుకురానుందని సమాచారం.

ఉద్యోగులను పీకేసిన 20 దిగ్గజ కంపెనీలు.. దిక్కుతోచని స్థితిలో వేలమంది.. ఐటీకి ఇక కష్టమేనా?

టాటా మోటార్స్ ఇప్పటికే కర్వ్ (Curvv), అవిన్యా (Avinya) వంటి కాన్సెప్ట్ ఎలక్ట్రిక్ కార్లను ప్రదర్శించింది కూడా. వచ్చే ఐదేళ్లలో టాటా మోటార్స్.. 10 ఎలక్ట్రిక్ మోడల్ కార్లను విడుదల చేయాలని చూస్తోందట. ఇందులో టాటా నానో ఉన్నట్లు తెలుస్తోంది. దీనికి సంబంధించి కొన్ని ఫీచర్లు కూడా లీకయ్యాయి.

ఈ కార్ టాప్ స్పీడ్ గంటకు 110 కిలోమీటర్లుగా ఉంది. 23 HP పవర్, 85 Nm టార్క్‌ను ఉత్పత్తి చేస్తుందంట. 10 సెకన్లలోనే 0 నుంచి 60 కిలోమీటర్ల వేగం అందుకుంటుందంట. సింగిల్ ఛార్జ్‌తో 160- 200 కిలోమీటర్ల దూరం ప్రయాణించొచ్చు. 72v లిథియం- అయాన్ బ్యాటరీతో రానున్నట్లు అంచనా వేస్తున్నారు. దీని కనీస ధర కూడా రూ.2-3 లక్షల మధ్య ఉండొచ్చని వార్తలొస్తున్నాయి.

టాటా కార్లు కొనాలనుకుంటున్నారా? వచ్చే ఏడాది జనవరి నుంచి కష్టమే..
ఏటీఎంలో క్యాష్ విత్‌డ్రా చేస్తున్నారా? మారిన రూల్స్ ఇవే.. తప్పక తెలుసుకోండి

మరో విషయం ఏంటంటే.. టాటా మోటార్స్‌కు చెందిన టాటా నెక్సాన్ EV (Tata Nexon EV) కారుకు దేశంలో మంచి డిమాండ్ ఉంది. ఇది భారత్‌లో బెస్ట్ సెల్లింగ్ ఎలక్ట్రిక్ కార్‌గా కూడా ఘనత సాధించింది. ఇప్పటివరకు దీని సేల్స్ 35 వేల యూనిట్లు దాటింది.

చాలా కుటుంబాలు తమ పిల్లలతో స్కూటర్లపై వెళ్లడాన్ని చూసి, పిల్లలు నలిగిపోతున్నారన్న భావనతో.. నానో కార్లను విడుదల చేయాలన్న స్ఫూర్తి రతన్ టాటాలో కలిగింది. దీన్ని గతంలో ఒకసారి తన ఇన్‌స్టాగ్రామ్ పోస్ట్‌లో వెల్లడించారు టాటా. దీనిపై దిగ్గజ పారిశ్రామిక వేత్తలు ప్రశంసలు కురిపించారు. ప్రపంచ కుబేరుడు ఎలాన్ మస్క్ కూడా టాటా నిర్ణయాన్ని ప్రశంసించారు.

• Read Latest Business News and Telugu News

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.

Also Read: సేల్స్‌లో దుమ్మురేపిన ఎలక్ట్రిక్ స్కూటర్.. ఫీచర్లు చూస్తే వావ్ అనాల్సిందే.. ఎగబడుతున్న జనం..!
లక్షను 40 లక్షలుగా మలచిన టాటా స్టాక్.. రూ.2 నుంచి 100కు షేరు.. మీ దగ్గరుందా?