ఈ క్రమంలో దివ్య శ్రీ అనే ఓ అభిమాని.. దర్శకుడు హరీష్ శంకర్, మైత్రీ మూవీ మేకర్స్‌కి రాసిన లేఖ సోషల్ మీడియాలో వైరల్‌గా మారింది. ఆ లేఖలో ఏముందంటే? ‘‘సర్, ఇంత వరకు ఒక లెటర్ కూడా రాయని నేను సూసైడ్ లెటర్ రాస్తానని కలలో కూడా అనుకోలేదు. మీరు ఎన్ని రీమేక్స్ తీసినా ఎప్పుడూ ఇంత ఫీలవ్వలేదు. కానీ తేరి రీమేక్ అని తెలిశాక రాయక తప్పలేదు. కనీసం నా చావుని చూసైనా తేరి రీమేక్‌ని క్యాన్సిల్ చేస్తారని అనుకుంటున్నా. ఆల్‌రెడీ ప్రతి ఆదివారం టైమింగ్స్ మార్చి టీవీల్లో తేరి మూవీని వేస్తున్నారు. ప్లీజ్ సార్.. ప్రాజెక్ట్‌ని క్యాన్సిల్ చేయండి. నా చావుకి కారణం మైత్రీ మూవీ మేకర్స్ టీమ్, డైరెక్టర్ హరీష్ శంకర్. చిన్న మనవి.. ఫ్యాన్స్ ఎమోషన్స్‌తో ఆడుకోకండి – దివ్య శ్రీ’ అని రాసి ఉంది. ఈ ట్వీట్‌‌కి ఇప్పటికే వందల్లో రీట్వీట్స్ వచ్చాయి. అలానే లైక్స్ కౌంట్ కూడా పెరుగుతోంది.
దిశ్య శ్రీ లెటర్‌పై ప్రొడ్యూసర్ బండ్ల గణేష్ స్పందించాడు. ‘‘బ్రదర్ ప్లీజ్ వెయిట్.. ఇలాంటి లెటర్స్ రాయొద్దు. నేను నీకు ప్రామిస్ చేస్తున్నా. మన పవన్ కళ్యాణ్ సార్‌తో ఇండస్ట్రీ బ్లాక్ బాస్టర్ సినిమా తీస్తా’’ అని రాసుకొచ్చాడు. దాంతో నెటిజన్లు బండ్ల గణేష్‌ని ఆడేసుకుంటున్నారు. లెటర్ దివ్య శ్రీ అనే అమ్మాయి రాస్తే? బ్రదర్ అంటావేంటి? అంటూ కొందరు సెటైర్లు వేస్తుండగా.. మరికొందరు ఇప్పటికే పవన్ కళ్యాణ్ కమిట్ అయిన సినిమాలే ఎప్పుడు వస్తాయో తెలియడం లేదు. ఇప్పుడు నీ సినిమానా అంటూ కౌంటర్ వేస్తున్నారు. కొందరు మాత్రం.. బండ్ల గణేష్ అన్నా.. నువ్వు తగ్గొద్దు అంటూ సపోర్ట్‌గా నిలుస్తున్నారు.
2016లో రిలీజైన తేరి మూవీ.. ఇప్పటికే తెలుగులో ‘పోలీసోడు’ పేరుతో డబ్ చేసి టీవీల్లో ప్రసారం చేస్తున్నారు. ఇందులో సమంత, అమీ జాక్సన్‌తో పాటు రాధిక నటించారు. పవర్‌ఫుల్ పోలీస్ పాత్రలో విజయ్ నటనకి మంచి మార్కులు పడ్డాయి. అలానే సమంత‌కి స్క్రీన్ స్పేస్ ఈ మూవీలో చాలా తక్కువగా లభించింది. తమిళ్‌లో ఈ సినిమా బాగా నడిచింది. కానీ.. తెలుగు ప్రేక్షకులకి పెద్దగా కనెక్ట్ అవలేదు.
Read Latest Telugu Movies News , Telugu News, Actress Photo Gallery