Akrosham release date మారిపోయింది. తొలుత ప్రకటించిన తేదీ ప్రకారం రానున్న శుక్రవారం ఈ మూవీ థియేటర్లలోకి రావాల్సి ఉంది. కానీ ఈరోజు ప్రీరిలీజ్ ఈవెంట్‌లో హీరో అరుణ్ విజయ్ మాట్లాడుతూ డిసెంబరు 16న రిలీజ్ చేయబోతున్నట్లు ప్రకటించాడు. కానీ అదే రోజు అవతార్-2 మూవీ రిలీజ్ కాబోతుండటంతో ఈ సినిమాని ఎవరైనా పట్టించుకుంటారా? అని నెటిజన్లు సెటైర్లు వేస్తున్నారు. అవతార్-2 సినిమాపై ఇప్పటికే అంచనాలు పతాక స్థాయికి చేరిపోయాయి.
ప్రధానాంశాలు:
- ఆక్రోశం మూవీ రిలీజ్ వాయిదా
- అవతార్-2 రిలీజ్ రోజుకి మార్పు చేసినట్లు ప్రకటన
- హీరో అరుణ్ విజయ్‌పై సెటైర్లు వేస్తున్న నెటిజన్లు
హైదరాబాద్‌లో బుధవారం జరిగిన ‘ఆక్రోశం’ మూవీ ప్రీరిలీజ్ ఈవెంట్‌లో హీరో అరుణ్ విజయ్ మాట్లాడుతూ ‘‘ఇక్కడి ప్రేక్షకుల స్పందన కోసం చాలా ఆసక్తిగా ఎదురుచూస్తున్నాను. వాస్తవానికి మేము సినిమాని డిసెంబరు 9న రిలీజ్ చేయాలని అనుకున్నాం. కానీ సాధ్యమైనన్ని ఎక్కువ థియేటర్లలో రిలీజ్ చేయాలనే ఉద్దేశంతో డిసెంబరు 16కి మార్చాం. ఓ మంచి సినిమా అందరికీ చేరాలనేదే మా తాపత్రయం. ఉమెన్స్‌కి ఈ సినిమా బాగా నచ్చుతుంది. సినిమాలో ఓ మంచి మెసేజ్‌ ఉంది’’ అని చెప్పుకొచ్చాడు.
వాస్తవానికి డిసెంబరు 16న జేమ్స్ కామెరూన్ మూవీ అవతార్-2 రిలీజ్ కాబోతోంది. దాంతో ఆ సినిమా కంటే ముందే డిసెంబరు 9న దాదాపు 15కి పైగా సినిమాలు రిలీజ్ అవుతున్నాయి. అవతార్-2 మూవీ ప్రభావం కనీసం 2-3 వారాలు థియేటర్లలో మిగిలిన సినిమాలపై ప్రభావం చూపే అవకాశం ఉంది. ఈ నేపథ్యంలో టాప్ హీరోలు సైతం తమ సినిమాల్ని వాయిదా వేసుకున్నారు. కానీ.. అవతార్-2 రిలీజ్ రోజే ఆక్రోశం సినిమా రిలీజ్ అవుతుండటంతో థియేటర్లు దొరుకుతాయా? అంటే సందేహమే.
- Read Latest Telugu Movies News , Telugu News
Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.