ఈ షో మొదటి ఎపిసోడ్‌లో ప్రముఖ ఫిలిం మేకర్, కొరియోగ్రాఫర్ ఫరా ఖాన్ హాజరైంది. ఈ సందర్భంగానే ఫరా ఖాన్.. అర్జున్ కపూర్‌ను వివాహం చేసుకుని పిల్లలను కనే ప్లాన్స్ ఉన్నాయా? అని మలైకాను అడిగింది. ఈ ప్రశ్నకు బదులిచ్చిన మలైకా.. అర్జున్‌తో తాను ప్రస్తుతం సంతోషంగా ఉన్నానని, భవిష్యత్తు ఏంటో తనకు తెలియదని వెల్లడించింది. ఈ విషయంలో ప్రపంచం ఏమనుకుంటుందో అస్సలు పట్టించుకోనని స్పష్టం చేసింది. ఇక తాము ఈ టాపిక్ గురించి ఇప్పటికే డిస్కస్ చేశామని చెప్పింది.
ఇక మాజీ భర్త అర్బాజ్ ఖాన్ గురించి మాట్లాడుతూ.. 18 ఏళ్ల వివాహ బంధంలో తప్పు ఎక్కడ జరిగిందో వివరించింది. ‘చాలా చిన్న వయసులో పెళ్లి అయింది. కాలం గడిచే కొద్దీ మారుతూ ఉన్నాను. జీవితంలో భిన్నమైన విషయాలను కోరుకున్నాను. నిజానికి ‘దబాంగ్ (2010)’ విడుదలయ్యే వరకు నాకు, అర్బాజ్‌కి మధ్య ఎలాంటి గొడవలు లేవు. కానీ ఆ తర్వాతే పరిస్థితులు కష్టంగా మారడంతో విడిపోవాల్సి వచ్చింది’ అని చెప్పుకొచ్చింది.
ఇదిలా ఉంటే, మలైకాతో సెటిల్ అయ్యేందుకు తాను సిద్ధంగా లేనని గతంలో కాఫీ విత్ కరణ్‌ షోలో అర్జున్ వెల్లడించిన విషయం తెలిసిందే. పాండమిక్ మూలాన కెరీర్ రెండేళ్లు వెనక్కి వెళ్లిందని, ప్రస్తుతం సినిమాలపైనే దృష్టి పెట్టాలనుకున్నానని చెప్పాడు. తాను చాలా రియలిస్టిక్ వ్యక్తినని చెప్పిన అర్జున్.. తనకు సంతోషం కలిగించే పని చేయాలనుకుంటున్నట్లు తెలిపాడు. ఎందుకంటే ముందు తను సంతోషంగా ఉంటేనే భాగస్వామిని సంతోషపెట్టగలనని భావిస్తున్నట్లుగా క్లారిటీ ఇచ్చాడు.
- Read more Cinema News and Telugu News