Chandra Mohan: అర‌వింద్ లేక‌పోతే చిరంజీవి లేరా!.. వైర‌ల్ అవుతున్న చంద్ర‌మోహ‌న్ కామెంట్స్‌

టాలీవుడ్ స్టార్‌గా, నెంబ‌ర్ వ‌న్ క‌థానాయ‌కుడుగా ఎంద‌రికో ఇన్‌స్పిరేష‌న్‌గా నిలిచే వ్య‌క్తి మెగాస్టార్ చిరంజీవి (Megastar Chiranjeevi). ఇప్ప‌టికే ఆయన కుర్ర హీరోల‌తో పోటీ ప‌డి డాన్సులు, యాక్ష‌న్ ఎపిసోడ్స్‌లో న‌టిస్తున్నారు. ఎలాంటి బ్యాగ్రౌండ్ లేకుండా వ‌చ్చి టాలీవుడ్ హీరోగా మార్కెట్‌ను శాసించే స్థాయికి చేరుకున్న హీరోగా ఆయ‌న్ని అభిమానించేవారెంద‌రో. ఇక టాలీవుడ్ అగ్ర నిర్మాత అల్లు అర‌వింద్ (Allu Aravind) ఆయ‌న‌కు తోడు నీడ‌గా నిలుస్తూ వ‌చ్చారు. వీరిద్ద‌రినీ ఎవ‌రూ వేరు చేసి మాట్లాడ‌రు. ఒక‌రు శ‌రీరం అయితే మ‌రొక‌రిని ఆత్మ‌గా సంబోధిస్తుంటారు సినీ జనాలు. అలాంటి ఈ ఇద్ద‌రిపై సీనియ‌ర్ న‌టుడు చంద్ర‌మోహ‌న్ (Chandra Mohan) రీసెంట్ ఇంట‌ర్వ్యూలో చేసిన వ్యాఖ్య‌లు నెట్టింట తెగ చ‌క్క‌ర్లు కొడుతున్నాయి.

‘‘ప్రాణం ఖరీదు సినిమాలో నేను, చిరంజీవి (Chiranjeevi) కలిసి నటించినప్పుడు నాకు పాతిక వేలు రెమ్యునరేషన్ అయితే, చిరంజీవికి ఐదు వేల రెమ్యున‌రేష‌న్ ఇచ్చారు. కెరీర్ ప్రారంభంలో ర‌ఫ్‌గా ఉండేవాడు. డాన్సులు బ్ర‌హ్మాండంగా చేసేవాడు. సిన్సియారిటీ ఉంది. ఆర్టిస్ట్ అవ్వాల‌నే త‌ప‌న ఉంది. నాగేశ్వ‌ర‌రావు (Akkineni Nageswar Rao), నేను అప్ప‌ట్లో డాన్సులు బాగా చేసేవాళ్లం. చిరంజీవి వ‌చ్చిన త‌ర్వాత డాన్సుల‌కు ఓ స్టైల్ వ‌చ్చింది. చిరంజీవి మేం మ‌హాభారతంలో అర్జునుడి కింద‌ పోలుస్తాం. కురుక్షేత్రంలో అర్జునుడిని శ్రీకృష్ణుడు ఎలా గైడ్ చేశాడు. శ్రీకృష్ణుడు సార‌థిగా లేక‌పోతే అర్జునుడు నథింగ్. అర్జునుడికి వైరాగ్యం వ‌స్తే గీతను బోధించింది కృష్ణుడు. యుద్ధంలో గెలిపించింది కృష్ణుడు. అలాంటి వాడే అల్లు అర‌వింద్‌. చిరంజీవి బావ మ‌రిది. అత‌ని బావ మ‌రిది స‌క్సెస్‌. చిరంజీవికి మెయిన్ స‌క్సెసే అత‌ను. ఎలాంటి వేషాలు వేయాలి. ఎంత రెమ్యున‌రేష‌న్ తీసుకోవాలి. ఏ బ్యాన‌ర్స్‌ను నిల‌బెట్టుకోవాలని అర‌వింద్ చాలా గైడ్ చేశారు. అలాంటివాడు నాకుంటే నేను అద్భుతంగా ఉండేవాడిని’’ అన్నారు చంద్ర మోహ‌న్‌.

చిరంజీవి, అల్లు అర‌వింద్‌ల మ‌ధ్య మంచి స్నేహ బంధం త‌ర్వాత బంధుత్వంగా మారింది. ఇద్ద‌రూ క‌లిసే ట్రావెల్ చేస్తూ వస్తున్నారు. అయితే ఇప్పుడు సీనియ‌ర్ న‌టుడు చంద్ర మోహ‌న్ చేసిన ఈ కామెంట్స్‌పై మీడియా వ‌ర్గాల్లో భిన్న వార్త‌లుగా వైర‌ల్ అవుతున్నాయి. ఇప్ప‌టికే మెగా, అల్లు క్యాంప్‌ల మ‌ధ్య దూరం ఉందంటూ వార్త‌లు వ‌స్తున్న నేప‌థ్యంలో వారెలా స్పందిస్తారో చూడాలి మ‌రి.

హీరోగా, క్యారెక్టర్ ఆర్టిస్ట్‌గా ఎన్నో చిత్రాల్లో వైవిధ్యైమన పాత్రల్లో నటించి మెప్పించిన చంద్ర మోహన్ కొంత కాలంగా సినిమాలకు దూరంగా ఉంటున్నారు. ప్రశాంతమైన జీవితాన్ని గడుపుతున్నారు.