Sunday, April 2, 2023

Adivi Sesh కి ఫోన్ చేసి ఒకే ఒక మాట చెప్పిన మహేష్ బాబు.. కన్నీళ్లు ఆగలేదన్న హిట్-2 హీరో

అడవి శేష్ (Adivi Sesh) హీరోగా చేసిన హిట్-2 మూవీ (Hit 2 Movie) గత శుక్రవారం ప్రేక్షకుల ముందుకు వచ్చి పాజిటివ్ టాక్‌తో దూసుకెళ్తోంది. శైలేష్ కొలను దర్శకత్వంలో రూపొందిన ఈ సినిమా క్రైమ్ థ్రిల్లర్ బ్యాక్‌డ్రాప్‌తో వచ్చింది. సినిమా హిట్‌గా నిలవడంతో తాజాగా హిట్-2 మూవీ యూనిట్ సక్సెస్ మీట్‌ (Hit 2 Success Meet)ని ఏర్పాటు చేసింది. ఈ సక్సెస్ మీట్‌లో మాట్లాడుతూ అడవి శేష్ కాస్త ఎమోషనల్ అయిపోయాడు. న్యాచురల్ స్టార్ నాని ఈ మూవీని సమర్పించగా.. అతని సోదరి ప్రశాంతి త్రిపిర్‌నేని ప్రొడ్యూసర్‌గా వ్యవహరించారు. అడవి శేష్‌కి జోడీగా మీనాక్షి చౌదరి హీరోయిన్‌గా చేసింది.

అడవి శేష్ మాట్లాడుతూ ‘‘రిలీజ్‌కి ముందు రోజు రాత్రి కొంత మంది ఫ్యామిలీ, ఫ్రెండ్స్‌ కోసం అన్నపూర్ణలో హిట్-2 మూవీ ప్రైవేట్ షో వేశాం. సాధారణంగా అలా ప్రైవేట్ షో ముగిసిన తర్వాత మిక్స్‌డ్ టాక్ చెప్తుంటారు. కానీ.. అందరూ పాజిటివ్‌గా స్పందించారు. రాత్రి 2 గంటలకి యుఎస్‌ ప్రీమియర్ చూసిన కొంత మంది ట్విట్టర్‌లో వాళ్ల అభిప్రాయాలు చెప్పారు. కానీ.. ఎక్కడా ట్విస్ట్‌లు చెప్పకపోవడం సంతోషం. పాజిటివ్ టాక్ వస్తోంది.. అయితే రివ్యూ రావడానికి టైమ్ పడుతుందని నిద్రపోయా. అయితే.. సడన్‌గా ఫోన్ వరుసగా మోగుతోంది. దాంతో చెక్ చేస్తే? మహేష్ బాబు (Mahesh Babu) నుంచి మూడు మిస్డ్‌కాల్స్ కనిపించాయి’’ అని గ్యాప్ ఇచ్చాడు.

‘‘నాకు ఏమీ అర్థం కాలేదు.. ఏమైనా జరిగిందేమో? లేదా ఏదైనా అవసరం ఉందేమో? అని టెన్షన్ పడుతూ.. రిటర్న్ కాల్ చేసి సార్ చెప్పండి అన్నాను. ‘ఐ యామ్ సో ప్రౌడ్ ఆఫ్ యు శేష్’ అని ఒకే ఒక మాట మహేష్ బాబు అన్నారు. నేనేమో ‘సార్.. ఆల్ ఓకే’ అని అడిగాను. ఆయన మళ్లీ ఆ మాటే చెప్పారు. దాంతో నాకే తెలియకుండా కన్నీళ్లు వచ్చాయి. మీరు ఒకే ఏడాదిలో ముగ్గురిని కోల్పోయారు సార్. కానీ.. మీకు ఫ్యామిలీ, ఫ్రెండ్స్‌తో పాటు ఒక తమ్ముడు కూడా ఉన్నాడు అని చెప్పా’’ అని అడవి శేష్ చెప్పుకొచ్చాడు.

హిట్-2 సినిమా తన కెరీర్‌లో బిగ్గెస్ట్ బ్లాక్ బాస్టర్ అని చెప్పుకొచ్చిన అడవి శేష్.. గతంలో నాని సినిమాలు చూసి అతనిలా సినిమాలు చేయాలని ఆశించినట్లు గుర్తు చేసుకున్నాడు. యాక్టర్ సుహాస్ గురించి మాట్లాడుతూ ‘ఎవరు ఆ కుర్రాడు ‘అతిథి’ షార్ట్ ఫిల్మ్‌లో బీభత్సంగా యాక్ట్ చేస్తున్నాడు అని నేను ఎంకైరీ చేశాను. సుహాస్ అని చెప్పారు. భలే యాక్ట్ చేస్తున్నాడు. వాయిస్, బాడీ, కళ్లతో అతను మనల్ని కదలిస్తాడు. ఈ లెవల్‌లో యాక్ట్ చేయాలనే ఫీలింగ్ నాకు అతను కలిగించాడు’’ అని అడవి శేష్ మెచ్చుకున్నాడు.

Latest news
Related news