Friday, March 24, 2023

iphone production in india, Apple: చైనాకు ‘యాపిల్’ బైబై!.. టాటాల సహకారంతో ఇండియాలో మకాం.. ఐఫోన్ల తయారీ ఇక ఇక్కడేనా? – apple makes plans to move iphone production out of china, may be set to plan india with tata group


Apple iPhone: ఐఫోన్ తయారీ కంపెనీ యాపిల్.. తన ఉత్పత్తుల తయారీ కేంద్రాన్ని చైనా నుంచి ఇతర దేశాలకు విస్తరించే ప్రణాళికలో ఉన్నట్లు తెలుస్తోంది. ముఖ్యంగా చైనాలో రాజకీయ ఉద్రిక్తతలు, కొవిడ్ విజృంభణ నేపథ్యంలో విధించిన కఠిన లాక్‌డౌన్ వంటి పరిస్థితుల కారణంగా చైనాలో యాపిల్ ఉత్పత్తుల తయారీని నిలిపివేయాలని భావిస్తోంది. 2025 కల్లా.. Mac, iPad, Apple Watch, Airpods వంటి యాపిల్ ఉత్పత్తుల్లో 25 శాతం వరకైనా చైనా బయట తయారుచేయాలని లక్ష్యంగా పెట్టుకుంది. ప్రస్తుతానికి ఇది 5 శాతంగా మాత్రమే ఉంది. అంటే 95 శాతం యాపిల్ ఉత్పత్తులు చైనాలోనే తయారవుతున్నాయి.

యాపిల్ కంపెనీ ఇప్పటికే.. తమ కాంట్రాక్ట్ మానుఫ్యాక్చరర్స్‌కు చైనా బయట తయారీని ప్రారంభించాలని ఇప్పటికే సంకేతాలు ఇచ్చినట్లు తెలుస్తోంది. వాల్ స్ట్రీట్ జర్నల్ ప్రకారం యాపిల్.. చైనాకు ప్రత్యామ్నాయంగా ఇండియా, వియత్నాంలలో తన మార్కెట్‌ను విస్తరించుకునేందుకు అధ్యయనం చేస్తున్నట్లు, అక్కడ తయారీ కేంద్రాలను పెద్ద ఎత్తున ఏర్పాటు చేసేందుకు పరిశీలిస్తోంది.

అంతా చైనాలోనే..

ప్రపంచవ్యాప్తంగా తయారయ్యే యాపిల్ ఉత్పత్తుల్లో ఇండియా, వియత్నాం వాటా చాలా చాలా తక్కువగా ఉంది. చైనా నుంచి తన తయారీ కేంద్రాన్ని తరలించాలన్న ఆలోచనకు ఊతం ఇచ్చింది అక్కడి ఝెంగ్జూ నగరం. ప్రపంచవ్యాప్తంగా తయారయ్యే ఐఫోన్లలో 70 శాతం ఇక్కడే తయారవుతాయి. ప్రస్తుతం చైనాలో కరోనా కేసులు విపరీతంగా పెరుగుతున్నాయి. దీంతో లాక్‌డౌన్ విధిస్తోంది. ఇదే క్రమంలో ఝెంగ్జూలోని ఫాక్స్‌కాన్ ఫ్యాక్టరీ కూడా మూతపడింది. ప్రస్తుతం అక్కడ ఐఫోన్ల తయారీ కూడా నిలిచిపోయింది. అక్కడ లాక్‌డౌన్ కారణంగా కంపెనీలో కార్యకలాపాలు నిలిచిపోయాయి. దీంతో పెద్ద ఎత్తున అక్కడ పనిచేసే కార్మికులు నిరసనలు ఉద్ధృతం చేశారు.

రూ. 50 నుంచి 400కు పెరిగిన షేరు.. బోనస్‌లతో లక్షకు రూ. 35 లక్షల లాభం.. ఈ ఐటీ స్టాక్‌లో..
రెండు అపార్ట్‌మెంట్లు రెంట్‌కు తీసుకున్న రోహిత్ శర్మ.. నెలకు కట్టే అద్దె తెలిస్తే..

మరో చైనాగా భారత్..

చైనాలో ప్రస్తుతం రాజకీయ వైరుద్ధ్యాలు కూడా ఎక్కువయ్యాయి. అక్కడి కమ్యూనిస్ట్ అణచివేత పాలసీ కారణంగా.. ఇతర దేశాలతో శత్రుత్వం పెరిగిపోతోంది. ఇదే క్రమంలో అమెరికా, చైనా ఎప్పటినుంచో ఉప్పూ, నిప్పుగా ఉన్నాయి. పలువురు విశ్లేషకుల అభిప్రాయం ప్రకారం.. చైనాకు ముప్పు ఉన్నట్లు తెలుస్తోంది. ఈ నేపథ్యంలో చైనాకు ప్రత్యామ్నాయంగా జనాభా పరంగా, తక్కువ వ్యయం కారణంగా భారత్ సరైనదని చైనా భావిస్తున్నట్లు తెలుస్తోంది.

భారత్‌లో ఇప్పటికే ఐఫోన్ తయారీ ప్లాంట్లు రూపొందుతున్నాయి. భారత్‌లో ఐఫోన్లను తయారు చేసే తైవాన్‌కు చెందిన ఫ్యాక్టరీ రూ.7 వేల కోట్లకు కొనుగోలు చేసేందుకు టాటా గ్రూప్ ప్రయత్నిస్తున్నట్లు తెలుస్తోంది. అదే జరిగితే దేశీయంగా ఐఫోన్లను తయారు చేయనున్న తొలి భారత కంపెనీగా టాటా గ్రూప్ నిలుస్తుంది. టాటా గ్రూప్ ఇటీవలి కాలంలో మరింత దూకుడుగా వ్యవహరిస్తోంది. మరిన్ని రంగాలకు తన వ్యాపారాలను విస్తరించుకుంటోంది. బిస్లెరీ ఇంటర్నేషనల్‌ను కూడా దక్కించేందుకు చర్చలు జరుపుతోంది.

Also Read: మెర్సిడెస్ బెంజ్ నుంచి సరికొత్త కార్లు.. ధర తెలిస్తే దిమ్మదిరిగిపోద్ది.. ఫీచర్లు మాత్రం..!



Source link

Latest news
Related news